杜德偉噚日接受新城電台訪問，講到舊愛吳君如有喜，杜德偉初時口快快話唔知，跟住又轉口風話冇理由唔知，重話：「大家雖然一段時間冇聯絡，但都恭喜佢。」而台灣音樂人黃建褔日前參與齊秦演唱會時墮下舞台身亡，杜德偉話第一次參加梅艷芳演唱會做嘉賓時，都試過跌落台，好彩冇事，但腳嘅疤痕重喺度。