樂基兒日前專程飛到北京睇男友黎明嘅演唱會，然後相約倒數。馮仁昭噚日收到讀者報料，話黎明前日已經同樂基兒經深圳返香港，特登唔經赤鱲角機場，當時二人為咗避開傳媒耳目，重揀咗架好舊嘅車出北京機場。讀者話黎明好似有機票喺手，但樂基兒冇，要由黎明助手幫樂基兒買機票。前晚七點幾，佢兩個返到香港，第一時間返黎明喺跑馬地樂景園豪宅。
彈個唱欠專業
讀者覺得黎明同樂基兒拍拖拍得好鬼祟，認為佢哋有膽一齊但冇膽承認，話黎明咁大個人拍拖好正常，點解唔可以大大方方喎。讀者又狠批黎明喺北京嘅演唱會演出唔專業，唔記得歌詞。馮仁昭就希望黎明唔好因為愛情而影響咗事業，咁樣會令痛錫佢嘅影迷同歌迷好失望㗎！