緋聞情侶方力申與鄧麗欣（Stephy）昨日出席新戲《獨家試愛》拜神儀式。兩人扮演小夫妻，還有連場激吻戲，其中一場兩人更邊行邊錫，Stephy未拍已大嗌驚驚！
方力申昨日與鄧麗欣（Stephy）、唐寧及侯莎莎等到銅鑼灣出席電影《獨家試愛》開鏡拜神儀式。方力申與Stephy首次飾演小夫妻，導演安排兩人一開場便先來分餘鐘的激吻戲，增加噱頭。
向舒淇偷師
小方表示雖然跟Stephy熟稔，但拍親熱戲仍覺尷尬，故會要求清場獻出其銀幕初吻。除Stephy外，導演還為小方加插一段婚外情，屆時將與一性感女星激吻連場。
問到小方可會向另一緋聞女朋友鍾欣桐備案時，他即以笑遮醜說：「唔使啦，冇關係嘅，唔講呢啲嘞。」至於Stephy則表示很驚，因為沒有經驗拍這類纏綿情慾戲，且還要以睡衣出鏡，她說：「劇情講我哋一路行一路錫，𠵱家惟有睇多啲舒淇嘅戲偷師。」她又表示不擔心鍾欣桐不開心，她說：「唔怕啦，拍戲之嘛，大家朋友唔需要嬲。」
採訪：何永寧 攝影：何國豪
