無綫劇集《謎情家族》前晚首播，噚日影視處收到兩宗投訴，有觀眾認為《謎》劇劇情恐怖，無綫發言人就強調《謎》劇係懸疑推理劇，同埋安排喺十點後播，係適合成年人睇。而無綫同亞視上個禮拜嘅收視都升，《本草藥王》係無綫三線劇之冠，平均有三十點收視（約一百九十七萬人睇）。亞視劇《情陷夜中環》就有十點收視（約六十六萬人睇）。