「我真係唔想欠房屋署錢，但我實在冇辦法，房署已經發咗『遷出通知書』，我好驚佢哋會收番我間屋，到時我兩母女都唔知點算。」熱淚盈眶的劉女士說。
四十六歲的劉女士，走過近二十年的單親路，當年她和丈夫離婚時，女兒只得四歲，這些年來，她一直在工廠打工，將女兒撫養成人。
尋找工作屢次碰壁
「我以前喺工廠做，底薪連加班費，平均每個月都賺到六千幾蚊，兩母女慳慳哋勉強夠使，弊在○四年尾被公司裁員，個女又搵唔到嘢做，生活就開始搞唔掂。」
這段日子，劉女士也曾努力尋找工作，包括就讀再培訓課程，希望謀求新出路；奈何人浮於事，已屆中年的劉女士，求職途上處處碰壁，叫她心灰之餘，經濟問題亦愈滾愈大。
有出冇入錢全用光
「裁員嘅時候賠咗些少錢，但成年有出冇入，乜嘢錢都用清光，我𠵱家已經四個月冇交租，又欠過電費同煤氣費，電燈公司更加割過表，後來我問朋友借錢清咗部份欠款，佢哋先幫我駁番。」
堅持自食其力、不欲領取綜援金的劉女士，近日終獲一間工廠僱請為兼職信差，每月收入雖只有約二千元，但總算不用捱餓，她坦言往後的事見步行步，目前最重要是應付當前難關。「房署嘅態度好強硬，佢哋真係會隨時封屋，唔可以再拖。」
蘋果日報慈善基金了解過劉女士苦況，即時發放一萬元緊急援助金，助其清還欠租、電費及煤氣費，並應付短暫生活費。另外，劉女士亦衷心呼籲，希望有熱心僱主可向她提供一份全職工作，脫離困境。
捐款編號︰C1893
暖流熱線
電話：29908688
傳真：23702192
電郵：[email protected]
網址： http://www.charity.atnext.com