數星期前，七十四歲的王校伯伯終於收到房屋署的配屋通知書，意味他可以脫離板間房的生活，提升私人空間。「我以前喺油麻地租房住，嗰幢樓又殘又舊，加上幾伙人共用一個廚房、廁所，好唔方便，點似得公屋，關埋門就一家一伙咁好吖！」
生活無着申領綜援
王伯五十年代初由大陸來港謀生，從事過多種行業，他退休前在麵館工作。「我做到六十歲，當時都唔想退休，但老闆嫌我老都冇辦法。」王伯欷歔歎道。
王伯退休後曾當過一段時間替工，可惜近年工作機會不多，他生活無以為繼，三年前開始申領綜援金。「我做人就好簡單，幾蚊餸菜又食一餐，如果唔係今次搬屋搞唔掂，我都唔想麻煩人幫。」單身的王伯說。
自行籌措搬遷開支
王伯是綜援長者，新屋的上期、按金可獲社會福利署資助，但其他搬遷開支及雜費按金，則要他自行籌措。王伯表示︰「房屋署唔包鐵閘，單係裝鐵閘都要三千蚊，另外又要交電費、水費按金，重未計買電器、家具，老實講，我平日嘅綜援金都係繃繃緊，根本冇多餘錢剩，𠵱家我都幾頭痛。」
王伯坦言，他除了幾件隨身衣物、一個電飯煲及杯碟外，已沒有甚麼可帶到新居，急需援助。王伯個案由露宿者行動委員會轉介，蘋果日報慈善基金有見其需要，已即時撥款一萬元，減輕他的搬遷費壓力。
捐款編號︰C1894
暖流熱線
電話：29908688
傳真：23702192
電郵：[email protected]
網址： http://www.charity.atnext.com