聖誕新年係消費旺季，個個商場每年都使唔少錢做宣傳催谷人流，好似鷹君個旗艦場朗豪坊咁，就用咗過千萬，搵嚟澳洲「妙想天開四人幫」喺場內做足3個星期真人Show，呢個Show噚日閉幕，鷹君副主席羅嘉瑞身為主人家都有到場接待四人幫出場（圖）。
華華問羅嘉瑞，有冇興趣做番一晚真人Show？佢聽完笑笑口話：「好辛苦架！成日俾人睇住晒。」如果Dr.Lo肯做真人Show，相信個場嘅人流一定勁升，農曆新年就快到，可以考慮吓喎！
羅嘉瑞講起聖誕新年假，其間佢４個仔女返晒香港過節，個個到過朗豪坊都好鍾意呢個表演，當中尤其係佢個18歲細女Elizabeth，佢經常到朗豪坊逛街購物，順便幫老竇巡下場！