黃宗澤、林峯、佘詩曼及陳敏之等昨日在奧海城出席「06行大運巡遊」活動，宣傳無綫新劇《覆雨翻雲》，他們一行二十人，穿上古裝戲服，分別乘坐二十輛K-Car在旺角鬧市巡遊，沿途吸引不少市民駐足觀看，阿佘說：「我都好想揸，其實我架車都係開篷，不過就未開過，平時出街費事啦！我驚一路揸一路要不停打招呼，所以我𠵱家考慮夜晚揸。」
在奧海城門外，一大班黃宗澤、林峯的支持者打鑼打鼓，高聲呼喊偶像的名字，然而阿佘卻連一個影迷也沒有，對此阿佘說：「唔係！我有fans，不過我啲fans唔係偏向年輕化，唔同林峯同黃宗澤啲fans咁年輕，咁瘋癲、瘋狂。」就現場所見，擁有最多fans支持的黃宗澤說：「我都唔知班fans咁多人嚟，重打鑼打鼓，有個知道我整親隻腳，重送咗支枴杖畀我，真係好開心！」
採訪：楊潔雯 攝影：何國豪
