古巨基昨日在旺角新世紀廣場為其最新大碟《星戰》舉行簽名會，現場吸引數百名fans圍觀及排隊索取簽名，古巨基即場獻唱兩首歌曲外，又與fans玩遊戲，場面熱鬧。
攞獎要感恩
古巨基在前晚舉行的05年度叱咤樂壇流行榜頒獎禮中屈居於陳奕迅之下，未能再奪男歌手金獎，問他可會為此感到不快？他說：「頒獎禮係唔同媒體畀歌手嘅鼓勵，過去兩年商台都畀咗好大嘅支持我，自己攞獎要感恩，人哋攞就抱住祝福人嘅心，我自己好滿意過去一年嘅成績。」
對於著名填詞人林夕在慶功宴上流下男兒淚一事，古巨基表示對方可能是受酒精影響所致，他說：「佢可能飲咗少少酒，佢其實唔識飲酒，平時都冇見過佢飲酒，佢一向都係一個開心嘅大細路。」
採訪：卓美娟
攝影：何國豪