聖誕同元旦剛過，農曆新年轉眼又到，呢個節日都係消費旺季，大小商場要趕住換應節嘅裝飾。
好似青衣城商場，要喺十日之內換新裝，商場大門入口位置嘅聖誕燈飾，好快就會換上中國傳統嘅走馬燈，聽講呢盞燈係八角亭式走馬燈燈王，有十八呎高，放喺入口一個六十呎闊、三十呎高嘅巨型立體宮殿中間。宮殿周圍掛滿唔同質料嘅燈飾，包括六對罕見嘅羊皮燈、三十八對貴重嘅二十四K包金水晶燈等，又靚又好意頭，重好有氣勢㖭。
不過呢個百燈迎客嘅場面，最快都要十號先見到，屆時百燈全亮後，肯定可以吸引大批市民圍觀同影相，氣氛熱鬧。
電郵地址：[email protected]