教統局局長李國章前晚着得靚靚（圖），同太太參加大佬李國寶搞嘅新年派對。踏入○六年，阿瑟王又有新挑戰，對手就係連煲呔都怕怕嘅主教陳日君，因為舊年底，陳主教突然入稟法院，申請司法覆核，指校本條例違反《基本法》，當局冇理由強迫所有學校都成立法團校董會。
八方聽聞，陳日君此舉得到唔少教師拍掌支持，認為做得好，因為政府嘅目的路人皆見，就係想奪權。八方唔識得咁多教育事，只係憑直覺覺得天主教同基督教教會咁多年喺香港辦學都好成功，為香港栽培咗好多有理想、肯承擔嘅人才，既然有良好紀錄，點解要變呢？
傳真︰2623-9278
電郵︰[email protected]