關心妍前晚喺中環大會堂擔任南區節閉幕表演嘉賓，佢首次同管弦樂團同台演出。關心妍話同管弦樂團合作好有難度，佢話：「佢哋個個玩樂器都好叻，同佢哋合作演出好緊張。」關心妍希望今年工作上有新突破，佢話：「三、四月會出新碟，形象上會有改變，我會剪短頭髮同着多啲褲，會追番上年嘅成績。」