歐陽妙芝昨日在她投資的中環酒吧接受訪問，她透露是其夫方時俊代理紅酒生意後，才萌開酒吧念頭。妙芝笑言自己是千杯不醉，因其母陀她時，已常喝白酒，妙芝試過連飲七杯伏特加都未醉。
歐陽妙芝與丈夫方時俊投資七位數字開設酒吧Luna，昨日她在中環接受訪問時表示，其實是丈夫代理紅酒生意在先，再萌開酒吧念頭，她說：「因為我老公有兩個生意拍檔喺美國加州NappaValley長大，佢哋成日叫我哋去嗰邊度假旅遊，我同老公就一年都會去NappaValley一次，重愈嚟愈愛上呢個地方。」
度假勝地有錢搵
妙芝續說：「嗰度嘅葡萄園盛產紅酒，我老公就代理咗幾隻酒，包括紅酒、白酒同香檳等。我哋獨家代理幾種酒，Luna重係生產酒莊特別為我哋酒吧叫Luna而命名嘅，每種酒平均價錢係一千蚊至千二蚊左右。」
問妙芝酒量如何？她笑說：「我可以話係千杯不醉，雖然平時好少飲酒，但一飲所有朋友都唔夠我嚟，可能因為我媽咪陀我時成日飲白酒，我未出世體內已經出現抗體，我好難high㗎，試過一次連飲七杯vodka（伏特加）先有些少反應，但係我啲朋友就已經醉晒，佢哋重笑我灌極都唔醉，係呃酒飲。」
採訪：DebbieLum
攝影：EdwardChou
