所謂邪不能勝正！上星期五，筆者諗住去搵Sales八吓最新情報，點知喺櫥窗望望吓，竟然發現全場嘅703SH唔見晒！真係賣斷貨咁厲害？非也。據講，日前有海關出動，掃咗幾間售賣703SH嘅舖頭，所以呢幾日「機場」已進入戒備狀態，冇人敢拎部機出嚟賣！
話時話，703SH已經賣咗一段時間，點解𠵱家先有海關嚟掃場？Sales話，傳聞因703SH個香港版介面係抄襲SmarTone-Vodafone個款，有侵犯版權之嫌，所以海關曾到過鴨記、東方188以及好景等商場，拎咗部份貨辦返去研究；為咗避鋒頭，場內Sales馬上叫呢批手機暫時「消失」，等候發落！但要等到幾時先可以「解封」？真係冇人知！
記者：尹謹基