【本報訊】波譎雲詭的政改風雲，已於上月二十一日在立會暫時閉幕。不少劇終前被冠以「轉軚」罪名的泛民成員，事後紛紛拒認有轉軚之意，惟獨衞生服務界的李國麟例外。他承認曾向曾蔭權「開價」，要求全面取消委任制；特首最終沒有「還價」，他也毋須轉軚。李國麟坦言不介意市民「捉鬼」，更聲言泛民可決定是否踢他出局。 記者：許偉賢
泛民成員聽到轉軚一詞，一般會避之則吉；但在政改問題上被喻為「轉軚高危族」的李國麟，卻表現得不以為然。他接受本報訪問時坦白承認：「我有（向曾蔭權）講過，有改動就會支持，但最終係無。」他又說：「如果佢哋（泛民）講嗰樣嘢係做唔到，而政府就話：『嗱，得喇，取消委任制喇』，我咪走過去支持佢（政府）囉，真係咁㗎喎。」他大方直認曾有轉軚之念。
「泛民唔等同不溝通」
不過，政府最終企硬，沒有全面取消委任制，李國麟也乖乖地跟隨泛民大隊，在政改一役投下反對一票。李國麟強調，在支持與反對方案立場之間徘徊，沒有任何掙扎。他說：「其實好clear（明確），派嘢之嘛，我就講咗個價錢，你咪還囉，唔好唔還先得㗎。」
對有市民心生不忿，要求在泛民內「捉鬼」，李國麟對此毫不介意說：「如果話真係要捉鬼，要擺上枱，咪同佢傾吓囉；如果你話我係鬼，唔配做民主派㗎，你話唔配咪唔配囉，咪等泛民朋友睇，係咪要踢我出嚟囉……泛民唔等於唔可以同政府溝通，你亦可以用你嘅influence（影響力），叫泛民主派踢我走。」
政改一役無損李國麟與政府溝通之路，揚言政府可以照樣向其拉票，他稱：「如果大家係南轅北轍，傾一次之後你就convince（說服）到我，即係你好犀利啦；如果出到去之後俾人話咩衰人呀、轉軚呀，我咪paytheprice（付代價）。但前提係同泛民立場無相沖，否則點拉我都唔郁。」