好多情侶都趁元旦拉埋天窗，喺濟南市大明湖風景區，就推出咗仿古嘅「明湖婚典」服務，呢對新人就舉辦緊古典婚禮，套餐包括坐花轎、掀蓋頭、拜堂、鳴鐘傳喜等十項內容。濟南每年有兩萬對新人結婚，婚慶創造嘅生意額差唔多有成億，但市場上就冇一個品牌化嘅婚慶儀式，「明湖婚典」嘅出現，可說彌補咗呢一個空白。