2001年《怪獸公司》（Monsters,Inc.）
「呢套戲我印象最深刻，因為套戲上映時，戲中梳孖辮嘅細路女阿Boo同我個細女造型一樣，所以我哋都叫細女做阿Boo，加上題材好得意，比較新鮮，嚇到啲細路𠵱嘩鬼叫，引得啲細路睇得好開心，同埋動畫設計方面都好創新，我都好鍾意呢部戲。」
2004年《超人特工隊》（TheIncredibles）
「超人特工隊呢部電影嘅內容好積極，因為呢班超人嘅超人癮發作，要拯救地球，意念積極又得意，加上戲中角色人物個個都身懷絕技。我最鍾意係入面超人囝囝柏小衝呢個角色，佢跑得好快，好得意，而我啲小朋友睇戲時都睇得好雀躍。」
1995年《反斗奇兵》（ToyStory）
「雖然我自己有份主演，不過我就好客觀嘅。呢套戲係講巴斯光年同胡迪嘅感情，起初佢哋為咗爭寵，大家都唔鍾意大家，但慢慢先培養到一份感情，變得團結同齊心，其後更展開佢哋嘅拯救行動，所以呢部戲係好有教育意義。不過呢部戲嘅造型，就唔及頭兩套咁得意。」
2003年《海底奇兵》（FindingNemo）
「我對呢部戲印象最模糊，因為覺得麻麻哋，只係記得成套戲都只係圍繞啲海魚同海龜，角色方面唔算鮮明，造型又唔及其他啲戲咁特別，所以我都好似只係陪啲細路睇過一次。」
1998年《蟲蟲特工隊》（ABug'sLife）
「呢部電影內容好有愛心，係講螞蟻世界，只係睇電影就可以了解到螞蟻嘅分工合作，要保護蟻后等，佢哋會發揮團結精神，保護自己免被侵襲，對小朋友充滿教育意義。」