名模Rosemary昨日往灣仔演出婚紗騷，談到她的死黨AnaR.的男友周立璟日前一晚之內拖四女夜蒲兼返酒店，Rosemary表示call了AnaR.一天對方均沒回覆，直言十分擔心，希望AnaR.不要收起自己，她又指AnaR.為周立璟付出了很多，對方這樣風流很不應該。
混血名模Rosemary昨日往灣仔演出「冬日婚紗展」，她與另一名模AnaR.份屬死黨，問她AnaR.男友周立璟日前一晚之內拖四女夜蒲兼返酒店有何想法？
往年曾齊倒數
Rosemary說：「我雖然冇睇報紙，但已經有好多人同我講呢件事，我call咗AnaR.成日，又send短訊安慰佢，但係佢都冇覆，我好擔心。」
對周立璟一晚拖四女的風流行徑，Rosemary搖搖頭說：「真係好唔應該，好令人難以相信，佢哋一齊都咁耐，如果係真嘅AnaR.應該好難接受，如果換轉係我男友係咁，我諗我都唔識反應，希望AnaR.唔好收埋自己，好多朋友會支持佢嘅。」
Rosemary續說：「AnaR.係一個好好嘅女仔，佢好支持周立璟嘅事業發展，例如好盡心幫佢間模特兒公司同佢搞嘅雜誌。」她更說：「往年我哋會一齊倒數過除夕嘅，但係今晚（即昨晚）我要去HardRockCafe演唱，希望AnaR.心情好番啲啦。」
雜誌登遊日照
另外，AnaR.一直有為周立璟的《PRESTIGE》雜誌寫稿，今期她在此雜誌寫自已的日本之行，雜誌內還刊登了她與周立璟同遊日本的照片。
採訪：林妙萍 攝影：仇志德
