為減輕民眾嘅生活負擔，泰國總理他信喺五號主持一個「十銖飯盒飽腹計劃」。呢個計劃會喺曼谷同外府分別設立三百個、同七百個銷售點。民眾參加計劃要通過內貿廳培訓，各種食物都要符合衞生標準。港幣兩蚊有找嘅飯盒有咩食？食譜規定每日有四種食物，好似荷包蛋、滷蛋同辣湯澆飯等。可以培訓市民自力更生之餘，重可以令貧苦大眾食得飽，真係一舉兩得。