過埋噚日，詩姑就正式脫離政制發展三人小組，如果以佢十一月開始，領取一蚊象徵式月薪，咁即係話，特區政府呢兩個月，只係出咗兩蚊雞糧畀詩姑，唔知詩姑係咪史上最廉價嘅員工呢？
雖然詩姑根正苗紅嘅立場，唔係得到所有政界人士支持，但佢為人真摯同非常勤力，就係眾所周知。八方已經聽過唔少人讚詩姑，話同佢傾偈，就算唔啱嘴型，你都唔會反感，因為佢真係好有誠意聽你講嘢，又逐一解答。八方都好想問，邊個可以好似詩姑咁，只係掛個名收嗰一蚊，都咁全心全力推銷政改，實在好值得好多人學習，八方祝佢全退後生活如意。
傳真︰2623-9278
電郵︰[email protected]