今年嘅日本愛知博覽會，大家肯定對漂亮嘅機械美女解說員，留下深刻印象！嗰時無去日本嘅讀者，𠵱家要把握機會喇！平平哋去台灣一轉就得，明年一月六號開始，台灣搞咗個大型嘅「2006機器人教育博覽會」，喺台北、桃園、高雄、台中巡迴展出，展覽成一百一十四日咁耐，不單止日本美女、漫畫機械人鐵人28號、HelloKitty、多啦A夢等，重見到寵物型、打掃型、娛樂型……乜嘢型機械人都有，門票只不過兩百蚊……台幣（約四十七蚊港幣）咋！