現年四十三歲的無綫藝員楊家洛（原名楊嘉諾）兩年前證實患上末期肺癌和淋巴癌，他接受化療初期病情受到控制，後來發現癌細胞擴散至腦部，跟病魔抗戰兩年，昨晨在家中吐血，送院途中昏迷，抵達急救室後證實不治。
抗病照拍劇
患有抑鬱症的楊家洛遺孀昨日接受本報電話訪問時說：「平時佢每日都堅持要去飲茶，點知佢突然間話個頭好痛唔去飲茶，今朝我聽到佢突然大叫，見佢扶住個洗手盆嘔好多血，叫咗救護車又好耐都唔嚟，佢重問點解救傷車咁耐都唔救佢，臨走時佢重叫我攞件TVB風褸。」
楊家洛前年發現患有癌病之後，仍一直堅持拍劇，而未播映的《上海傳奇》和《鐵血保鏢》則成為他的遺作。《上》劇女主角向海嵐說：「我記得楊家洛拍《上海傳奇》嗰時病情一度惡化，但係佢好專業，因為唔想影響拍劇進度，幾辛苦佢都開工，我入行多年同佢合作過唔少劇，佢係一個演技派，又打得嘅演員。」
楊家洛生前信奉基督教，藝人之家將會協辦楊家洛的喪事，而無綫方面昨日亦高度讚揚楊家洛的進取精神。
採訪：楊潔雯