煲呔聖誕新年假同太太去咗福建歎世界，話明放假旅行，梗係要去一去名勝古迹留下足迹，先算到此一遊，所以煲呔噚日就專程去咗武夷山嘅閩越王城古漢城遺址參觀，兼且喺遺址內欣賞宮廷式歌舞表演，歡度難得假期。
煲呔當然遊樂得好鬼開心，但當地居民就有少少慘喇，事關佢所到之處都要封路，對交通造成一定阻塞，希望當地居民唔好見怪啦。
呢個古漢城遺址，來頭認真唔小，係中國江南現今保存最完整古城之一。城址呈長方形，長達八百六十米，寬達五百五十米，總面積為四十八萬平方米，據知至少要用兩個鐘頭，先至能夠完全遊覽得晒，唔知煲呔噚日又有無行到腳痛呢？
傳真︰2623-9278
電郵︰[email protected]