終於要同2005年講拜拜，昨日果然有大量股份冇厘頭咁升，究竟邊隻係mark價？邊隻會有古仔跟尾？睇成交大概可知一二。
噚日升得頗急兼夾有成交，都要數唯冠國際（334），公司剛公布與日立嘅侵權官司講掂數，股價即見異動，最高見0.86元，收0.84元，升16.67％，成交股數2409萬股，金額1995.5萬元。港股噚日大跌百幾點的情況下，唯冠表現可算矚目。
經紀黃話，如果熟悉唯冠呢隻股票，應該知佢對消息極之敏感。基本因素而言，公司生產的顯示器產品，尤其係LCD顯示器，受到供過於求及價格下調而影響公司盈利。
隻股早排傳出同台灣的奇美集團合作，幫奇美生產LCD顯示器同電視機，因為呢個消息隻股曾經炒過一轉，其後公司澄清話冇嘢落實，股價即刻又跌番落嚟。
經紀黃最後話，結論係今次唯冠因官司和解急升，唔排除過年後又跌過。
慕容小初