一位設計師、一套電影、一首怨曲、以至一個小發明都可帶起萬人追捧的潮流。各位女士們，今年於你心目中的潮流又是甚麼？Kelly的形象顧問Celia說：「紫色、毛毛、YSL、大圓枱裙、60年代、VictorianLook、以至全黑打扮都是今年女潮大熱。」但講潮中之最，必數由年頭爆到落年尾的Chloe鎖袋，重有……
記者：黃若茵
攝影：伍慶泉
手袋提供：米蘭站
名人金鎖連環睇
第一位 金鎖稱霸 首推8千即斷
要數今年最Hit潮物，重約2.2公斤的ChloePaddington認第二誰又敢認第一？由倫敦紅到巴黎，再到日本、香港，憑着一個霸氣鋁合金鎖大殺四方。全球首推8,000個早被名媛闊太搶購一空，等候名單排到700名以外，網上名店Net-a-Porter更有36小時內連續出售376個的驚人紀錄。時至今日，專門店的貨架已找不到存貨，二手店是最後門路。年頭先有深啡、忌廉白等色，年中再出紅藍等色，年尾繼孖色特別版後，推出全金羊皮配鑲滿Swarovski水晶的鎖頭，12月入貨50個，現已全部售罄。
第二位 AreyouCentral？
行過中環，不少大型廣告會問你：「AreyouCentral？」EventhoughI'mnotCentral，這一年中環大翻新確係有目共睹，9月英倫名百貨HarveyNichols進駐置地，6萬平方呎內獨家名牌睇到你頭暈。12月再有3層高的LV及Chanel新店開幕，齊玩巨型玻璃幕牆，牌子名老遠已見到，Chanel的幕牆更是全球最大的LED外牆，十分威水。
第三位 NANA熱
由漫畫紅到電影的《NANA》，掀起PunkLook潮，NANA迷大玩Cosplay，甚至穿一身Punk裝去看戲。日本《NANA》擊倒《電車男》，票房超過36億日圓，更是香港亞洲電影節的閉幕電影。
下妻Lolita
原來是小眾死硬童話化浪漫日本少女的專利打扮，因一套《下妻物語》，Lolita熱潮由新宿蔓延至油尖旺，由街頭少艾至歌壇天后都一一效法，連扮Loli做埋Loli衫闖出一番新天地都成為時事新聞。不過，十八廿二粉紅喱士上身都重可以叫做Cute，長年累月匿入童話世界？做人都係腳踏實地啲好。
潮人撐場：Celia（陳慧琳形象顧問）
「睇完《NANA》返到屋企即刻摷番件舊皮褸出嚟着，襯番個PunkStyle。本身雖唔係咁好Westwood，但睇完套戲都好想擁有一隻Westwood戒指，呢套戲能夠帶起一個品牌嘅熱潮好厲害。」
第四位 韓風兜面吹
說韓國護膚化妝品牌橫掃香港並不過份，MIOGGI、THEFACESHOP、ISAKNOX、雪花秀等，數極都唔完。THEFACESHOP9月打入美國市場後，11月被美國《商業週刊》選為封面故事，更被譽為亞洲超成長企業，兩年內於全球開設了超過450間分店，絕對是實力的見證。
第五位 輕盈芭蕾鞋
「巴黎的Repetto是箇中高手，做芭蕾舞鞋已有多年歷史和經驗……最重要是它真的很舒服！價錢比名牌平底鞋便宜一截，卻舒服三倍！」黎堅惠如是說。（節錄自《飲食男女》）難怪連COMMEdesGARCONS也跟他Crossover推出金色舞鞋。
第六位 爆笑軍曹征服香港
漫畫中的KERORO軍曹想要征服地球的任務雖失敗了，卻成功地征服了香港男女老幼的心。各款眼神配合惹笑的髮型，都能令你笑上至少3秒。不論是深水埗的路邊檔，還是銅鑼灣的商場店，都總有一隻軍曹喺你左近，小記都有兩隻隨身呢！
潮人撐場
係取巧㗎！但連《電車男》都唔放過軍曹，喺電影中要夾多幾隻至夠本，就知佢嘅受歡迎程度啦。
第七位 名牌飾色
化妝品飾物二合一趨勢愈演愈烈，今年就由Dior及YSL兩大品牌平分秋色。Dior的水鑽骰仔吊飾、內有一色胭脂，YSL更勁，三個金色粉盒各自刻上YSL金漆招牌，內有多用途胭脂EyeColour同唇彩各一，區區數百就有齊名牌配飾及化妝顏色，重要捉到中限量版的物以罕為貴心理，一推唔使兩日即賣斷，有讀者投訴話睇咗報道即仆去買都買唔到，可見名牌濕星小物嘅吸引力唔嘢小。
第八位 便利店換購潮
7-11自5月推出一套38款的HelloKitty花花襟章，只三天，Yahoo拍賣網已有人Post上網拍賣，5個襟章底價$50，散買每個$10，底價更一度升至$15，熱潮一觸即爆。10月再有42款迪士尼公仔，OK就推出較易儲齊的26隻Miffy公仔同7仔鍊過，公司同事都儲埋好幾套，你又有幾多隻？
潮人撐場：
森美都要喺節目搞迪士尼公仔互換，幫大家儲齊一套咁話。
第九位 減肥騎馬機 發哥都玩
日本研製減肥用的騎馬機，到今年已推出了第三代，8字形搖動加上前後傾功能，鍛煉腰側及大腿肌肉確有一手。JCShop店長指今年騎馬機賣了超過200部，以萬五元的價錢來說真是十分成功。周潤發、林青霞、顧紀筠都是捧場客。
潮人撐場：田蕊妮
「騎上馬後就幻想自己喺草原上奔馳，用後都覺得自己瘦咗，但唔好開太快，否則易拉傷。」
第十位 負離子鬈髮
今年最多人追捧的是負離子鬈髮的造型，早前這個技術還在試驗階段，今年開始已成為一個潮流。
潮人撐場：Ivan（Headquarters創作顧問）
「鬈髮是05年大勢，直髮潮流不再，多點Volume，自然的凌亂捲曲髮型才夠Hit。」
我的05No.1
