地監局推出「持續專業進修計劃」，以提升地產代理業嘅水準，雖然𠵱家都係要求經紀自願進修，但過渡期後就會嚟真嘞。祥益地產人力資源部主任黃詠琳表示，公司明年會將持續專業進修加以推廣，要求重比地監局嘅十個學分嚴格。
黃詠琳話，前線一定要修讀十個學分，主管同董事級就要十五個學分，希望咁樣可以盡快令員工適應呢個大趨勢。不過，祥益仍強調，公司仍然認為當局唔應該強制推行呢個計劃，因為業界都會不斷自我增值嘅。
另外，祥益總裁汪敦敬表示，集團明年計劃開多六間分行，增聘逾六十名員工，進一步拓展工商部。現時集團有十四間分行，百二名前線同二十個後勤，生意額比舊年多兩成。