黃仁龍爆冷上位，成為○五年政界新人王。大家都應該記得，率先踢爆政府會搵仁龍做律政司司長嘅，就係因為煲呔做咗特區話事人之後備受冷落嘅唐唐。
唐唐同仁龍，表面睇落好似冇乜共通點，一個含金鎖匙出世，一個係香港故事。但心水清嘅人就知，兩個人有一樣嘢好啱key，就係大家都好愛錫家庭，係百分百familyman。
有議員同八方講，試過同仁龍食飯，成場話題都離不開佢屋企。仁龍重憶述，有次去某大酒店嘅餐廳用膳，點知嗰度個廁所，竟然冇設置幫小朋友換尿片嘅設施；仁龍就同個部長講番呢個問題，結果酒店從善如流加番，令到仁龍好鬼高興。
睇怕一向被封為好男人嘅唐唐，除咗喺政途上面對住煲呔競爭外；喺住家男人形象大賞上，都面對一個大勁敵，唔知下年會唔會俾仁龍追上呢？
傳真︰2623-9278
電郵︰[email protected]