平日自行煮食的六十七歲譚柏林慨歎，近日電飯煲失靈，經常弄出「生米」來，害得他連一口飽飯也沒得吃。「好彩嘅，就一杯米煲四十分鐘先有得食，唔好彩嘅，就煮『生米』，食都冇得食。」
譚伯貧病交煎，活得潦倒。「姑娘，我好淒涼呀，雪櫃、電飯煲都壞晒，我冇錢買，蘋果基金可唔可以幫吓我呀？」電話聽筒傳來譚伯求助的聲音。
致電本報求助
記者隨後往譚伯位於觀塘的公屋探訪，打開門見到的，除了一枱一櫈、一睡床之外，幾乎甚麼也沒有，而全屋比較貴重的，是那部彩色電視機。「呢部電視機係慈善團體送畀我嘅，我邊有咁本事自己買呀！」
譚伯年輕時沒有結婚，他當過船員及侍應生等工作，十年前患上精神病，年前又不慎跌傷，現今行動不便，失去工作能力，靠綜援金過活。
「交完租同水、電、煤雜費之後，已經冇多餘錢剩，如果唔係，雪櫃、電飯煲壞咗咁耐，我一早就買啦。」譚伯歎道
譚伯現時放在客廳中央的雪櫃沒有實際作用，外表看來又殘又舊的雪櫃，打開還傳出陣陣惡臭。
雪櫃壞傳惡臭
「雪櫃本身都係人哋畀嘅，用咗十幾年，最近壞咗，完全唔凍，冇雪櫃用好唔方便。」
「施比受更有福」，你願意捐贈一部新雪櫃及一個新電飯煲給譚伯，讓他感受人間溫情嗎？
捐款編號︰C1892
服務熱線
電話：29908288
傳真：23702192
電郵：[email protected]