送舊迎新，大家都會去各大倒數熱點湊高興，例如時代廣場、蘭桂坊等，細心留意，原來城中亦有數個倒數熱點的露天停車場，居高臨下，倒數唔使同人迫，迎接06年。以下推介的倒數熱點遍布鬧市、海傍，熱鬧或寧靜地區，Countdown06，各適其適。
記者：戴維浩
攝影：周旭文、戴維浩
最爆倒數點—海運大廈停車場
時租收費：私家車
7:00am-11:00pm每小時$20；11:00pm-7:00am每小時$16
肯定係停車睇靚景熱門點，出面一條廣東道就係倒數熱點，除夕當日必擠滿人，早少少嚟泊好車，先嚟睇睇維港景色，另一邊嘅廣東道，晚上就可倒數迎新年。海運大廈最多車位，行出停車場就係最多人的倒數點，由於車位多，不用爭位，更可擬定消費、購物等行程，飽食盡興，換來泊車優惠，再返回車場倒數。
海天一色倒數—3號碼頭停車場
時租收費：私家車$22；小型旅遊巴士每小時$50
跟海運大廈停車場同樣係經典拍拖勝地，這裏海天一色，少了鐘樓，但仍可聽到廣東道倒數時的音樂和羣眾歡呼聲，泊車走至盡頭，享有無敵海景，望向香港島，有電影的浪漫氣氛。
銅鑼灣中心地帶—恒隆中心停車場
地址：百德新街二號恒隆中心停車場（記利佐治街入口）
時租收費：私家車、的士及客貨車每15分鐘$8
指明要泊四樓，一駛出車用升降機，即有露天車位，但數量有限，只有15個，手快有，手慢無！車位之下景觀為怡和街、百德新街，人人在街迫，你就高高在上倒數，不用你擠擁已可感受熱鬧氣氛。
Skyline倒數示愛位—天星碼頭停車場
地址：中環愛丁堡廣場9號
時租收費：私家車、的士及客貨車
7:00am-11:00pm每小時$23；
11:00pm-7:00am每小時$14
頂層景觀有濃厚都市氣息，既可360度全覽愛丁堡廣場一帶Skyline，回望碼頭海港景色，除夕凌晨的一剎，看到全個尖沙嘴閃光燈閃個不停，男方向心上人示愛一流，所以這裏常是電影取景場地，停車場設有370個公眾停車位。
燈飾伴倒數—大會堂停車場
地址：中環愛丁堡廣場1號
時租收費：私家車、的士及客貨車
7:00am-11:00pm每小時$23；
11:00pm-7:00am每小時$14
這個停車場於干諾道中大會堂側，建於1959年，同前者一樣係經典電影取景位，可以眺望愛丁堡廣場上的冬日嘉年華會。最重要是看到中環五光十色的燈飾在凌晨一刻不停地閃，設有165個公眾停車位，當中包免費電單車位。
車友聚腳倒數表位—西九龍海濱長廊停車場
這裏平日很靜，但每年除夕夜，都有車會和拉龍遊車河的車友到這裏倒數，是鬧市倒數另類推介，不用擁擠卻又可以感受倒數氣氛。加上全部都是有車之人，有傾有講，雖然車位不是很多，只有34個表位，但大家聚在一起，Doubleparking都沒有所謂。另有免費電單車「排骨位」20個，先到先得，腳骨力好的，可漫步至地鐵九龍站，只是約10數分鐘。
