好多電單車迷今晚都會出去遊車河，咁就講吓兩個轆夜飆嘅用品。頭盔面罩、風鏡、車頭透明風擋起霧或者有花痕，唔只有礙觀瞻，亦防礙駕駛視野，特別是夜晚，針對呢個問題，有兩樣小道具介紹畀大家。
首先係日本TANAX出品嘅PITGEAR防霧噴劑，噴落頭盔鏡面內側，可大大減低因頭盔內外溫差形成的霧化，影響視野。另外，德國出品嘅xerapol修補劑，可修補頭盔面罩、風鏡嘅花痕。先用清潔劑徹底清潔刮花咗嘅透明表面，再唧上適量修補劑，用棉質乾布打磨2至3分鐘，直至光滑為止。而太深嘅花痕，要重複以上步驟數次，再用1600號嘅沙紙加水打磨。由於修補劑有微量溶蝕性，用嘅時候就要小心喇！
記者、攝影：戴維浩
查詢：27802885（WAIONRACING）