李柱銘獨子李祖貽喺英國讀法律都已經有半年，噚日馬丁為韓民披甲上陣做辯方律師，父子兩人就同時出現喺觀塘法庭。祖貽西裝筆挺，好似徒弟咁挽住個大篋跟出跟入，喺庭外休息期間重同其他旁聽同學打招呼，互相認識，無論係笑容同語氣愈嚟愈有乃父之風。祖貽話今次係放聖誕假返嚟香港，趁住爸爸上庭，所以過來睇下。
聽講話，祖貽今次決定繼承馬丁衣鉢做大狀，其中一個原因係見到以前班讀法律嘅朋友都已經出晒身，又覺得上庭幾過癮。今次再返英國會讀多半年，然後就會返番香港大學讀一年，跟住就可以正式跟師傅。
傳真︰2623-9278
電郵︰[email protected]