陳霽平近日為美容雜誌擔任封面女郎，暢談她的美容心得，陳霽平指自己一向不沾煙酒，加上減少夜蒲，所以皮膚保養尚算得宜，陳霽平說：「夜蒲我已經覺得好厭，如果有時間嘅話，我寧願爭取多啲時間休息好過。」
推介美容食品
自言是貪靚鬼的陳霽平，閒時最喜歡研究美容及飲食營養書籍，她說：「女性想keep好啲，注意飲食都好緊要，例如食物嘅食法唔同，就會有唔同嘅營養價值，好似煮熟咗嘅番茄比生番茄更容易吸收。」
陳霽平又說：「我記得睇過一本介紹完美食物嘅書，話呢啲食物除咗本身有營養外，亦都有抗氧化作用，好似三文魚、西蘭花同蘋果等，對女性有好好嘅美容功效。」
撰文：蔡丹