原子鏸（左一）前晚同媽媽鄭佩佩（左三），重有一班親朋戚友去銅鑼灣睇戲，原子鏸話佢啲親戚特登喺美國返香港過年，嚟緊鄭佩佩喺下個月六號六十大壽，佢哋到時會拉隊去日本旅行慶祝，原子鏸重寫咗首英文歌送畀媽媽，見佢同細佬（左二）合照，問原子鏸係咪想帶佢入行，原子鏸話：「佢做緊健身行業，佢性格唔適合做呢行。」