陳穎妍的愛犬是七個月大的玩具貴婦犬檸檬，她笑指愛犬是雙面狗，有時活潑，有時憂鬱，憂鬱眼神更可媲美梁朝偉。陳穎妍視檸檬如囝囝，買靚衫外，又有狗BB車，服侍周到。
陳穎妍的愛犬檸檬屬玩具貴婦犬，七個月大，牠是一頭雙面狗，有時活潑，有時憂鬱，𠱁得主人十分痛錫牠。檸檬本來是陳穎妍的朋友所養，但因為主人經常要出埠工作，無暇照顧檸檬，所以就把牠轉送給陳穎妍，希望檸檬可以有個好歸宿。
力拒美食誘惑
陳穎妍日前帶檸檬到西貢歎下午茶，她駕車帶檸檬遊車河，檸檬攀在窗邊看風景，到達茶座時，牠即乖乖坐在主人身邊，看主人晉餐。檸檬很有家教，牠不會貪吃搶食，陳穎妍說：「佢個樣好憂鬱，同梁朝偉嘅眼神有得揮。」陳穎妍見愛犬乖巧靜靜坐着，即從檸檬的雜物袋中拿出零食獎勵牠。
檸檬深得主人寵愛，陳穎妍視牠如囝囝般，更買了價值三千多元的LV狗帶給愛犬。由於檸檬年紀尚幼，抵抗力較差，陳穎妍不想牠出街時亂爬，特別選購一輛狗仔嬰兒車給檸檬，陳穎妍說：「我唔使抱住佢咁攰，佢又坐得舒服，一舉兩得。」
置裝扮鬼扮馬
提到為寵物置裝，陳穎妍認為檸檬這類玩具狗穿衣服特別趣致，所以她為愛犬買了很多新裝，包括米奇老鼠裝和士多啤梨裝，陳穎妍說：「佢重有好多A貨名牌衫，始終狗仔大得快，買太貴嘅衫唔抵。」
採訪、攝影：比華利
