賭王何鴻燊四姨太梁安琪的好友、東區區議會主席丁毓珠前晚娶新抱，一對新人孔慶晹及姚佩 在灣仔君悅酒店筵開四十多席大宴賓客。賭王應邀致辭，他笑言對新郎新娘認識不深，要大會提供資料才有靈感。
東區區議會主席丁毓珠前晚娶新抱，她的獨子孔慶晹與新婚妻子姚佩前日在教堂行禮，晚上於灣仔君悅酒店筵開四十多席宴客，一對新人均為律師，新奶奶丁毓珠說：「佢哋兩個都係讀法律，不過我個仔就喺美國讀，新抱仔就喺英國讀，佢哋都係返香港先識，拍咗拖幾年就結婚啦。」
官商巨賈畀面
問丁毓珠送甚麼大禮給新抱？她笑說：「我連個仔都送埋畀佢啦。」會否希望新抱快點生BB給她抱孫？丁毓珠則說：「𠵱家啲後生想法唔同㗎啦，三年抱兩呢啲我唔敢諗呀。」
前晚到賀一對新人的賓客多不勝數，包括賭王何鴻燊及四姨太梁安琪、劉鑾雄、鄭明明夫婦、前特首夫人董趙洪娉及前律政司司長梁愛詩等。賭王與四姨太梁安琪姍姍來遲，他應邀上台致辭，平時妙語如珠的賭王前晚說：「我同一對新人唔係咁熟，要等佢哋畀啲資料我，我先至有靈感講呀。」
鄭明明則透露於剛過去的boxingday與郭可盈在上海一起做善事，鄭明明說：「我哋係為東北環保做慈善，三十一號就會全家去日本浸溫泉。」
採訪：RitaLeung
攝影：ChanChiLam
