原本呢篇稿係一篇聖誕禮物指南，但因為稿擠搞到今日先出。其實諗真啲，買嘢使乜等大時大節；趁唔少人今個月出雙糧，加上尚未要交稅，不如放縱一下，買咗先。
1.LeBron3「生日套裝」上星期已推出，美國要東岸先有黑/紅色，西岸賣白/金色；但香港兩隻色都有，認真幸福。不過美國在廿七號推出限量一千套ZoomLeBron3啡色+Tee+皮帶的「生日套裝」（圖2），賣二百五十元美金（約一千九百元），有多餘錢可以諗諗！
2.adidas世界盃波衫三間已推出世界盃各強隊（法國、阿根廷、德國和日本）的落場版和fans版波衫，今年除咗日本隊（圖3），Fans版和落場版的分別不大。為免六月開鑼時又冇size又冇熨字，𠵱家買最好。（要阿根廷嘅美斯定日本戴志偉好呢？）
3.Reebok黑白雙煞波衫系列唔少人等緊二月出嘅紅白Answer9，同埋之後Question1復刻。而我近排就迷上純黑純白嘅NBA波衫，當中以純白嘅艾華遜款（圖1）最得我歡心；着出街，最少可以減低撞衫機會。
不過大家記住，嚟緊一月廿八日的AirJordan「DefiningMomentPackage」（經典系列，包括黑金六代及白黑金十一代）、adidasKG3以及超期待嘅AirMax360，絕對買到你窮，今個月放縱前請三思！
Hleung-www.hk-kicks.com網主，耆英
級波鞋迷，仍深信籃球鞋會復興……
Email:[email protected]
