資深話劇演員龔小玲，應邀擔任這次舞台劇的導演兼劇本創作，首度和精神病康復者合作演出，她感覺如何？
「最初覺得佢哋好保護自己，好怕同陌生人接觸，不過，經過一段時間相處，大家建立咗信任，我睇見佢哋慢慢有進步。」
小玲坦言，今次未必可以稱得上是一次專業演出，但她對一班演員亦有相當要求，記者日前便參觀過他們其中一次綵排，就演員的咬字發音、演技及舞台技巧等，小玲一絲不苟，細心指導。
「佢哋嘅記性係差啲，個別亦有情緒問題，我要軟硬兼施咁處理佢哋嘅問題，好彩同場亦有新生會嘅職工幫助我。」
付出的心血雖然多，但小玲卻表示值得。「我最希望透過今次話劇，畀呢班精神病康復者知道，佢哋唔係冇用，唔好標籤自己，要衝破阻礙，最終都係靠佢哋自己。」
暖流熱線
電話：29908688
傳真：23702192
電郵：[email protected]
網址： http://www.charity.atnext.com