焦媛噚日擔任《家天下》嘉賓主持，佢邀請黃宇詩男友陳雋騫做嘉賓。焦媛話即將同鄭文雅、歐錦棠合作演出舞台劇《誘心人》，內容以時下男女之間嘅感情關係為主，焦媛話喺劇入面會飾演一名脫衣舞女郎，所以近日忙緊學習跳脫衣舞，佢話：「由於脫衣舞好多時要繞住條柱嚟跳，體力消耗好大，有時會整親手腳。」