雖然近排樓市好似凍僵咗，中原地產就趁住普世歡騰嘅聖誕節搞狂歡派對，盡情慶祝一番，為過去一年努力歡呼之外，亦向員工為新一年來臨激勵一番。 派對當晚，中原各董事悉心裝扮，大跳懷舊舞同玩遊戲，情緒極之高漲。做老闆嘅施永青就即場加碼送出五千蚊抽獎，執董陳永傑同測量部董事總經理黎堅輝亦臨場各掏腰包二千蚊同一千蚊作抽獎，一於齊齊開心，盡興而歸。