雖然，中國手機用戶僅佔全球大約五分之一，但舊年全球發送嘅五千一百億則短訊裏面，內地人就佔了三分之一，你話內地人幾咁熱愛send短訊呢！佢哋重偏愛用手機玩遊戲㖭，美國喺呢方面拍馬都追唔上。 相反，美國人就鍾意用手機處理電子商務，內地就唔鍾意。噚日內地公布，手機用戶人數已經超過三億八千八百萬，成為全球最大手機市場，每一百個人就二十九個有手機。