聖誕節係全年最高消費檔期，各大商場業主自然落重本大事粉飾。信和大角嘴奧海城物業管理總經理蔡潔蓮話，平安夜同聖誕節錄得成三十萬人流，唔少食肆同娛樂場所都出現迫爆場面。 好似平時十點就閂門嘅保齡球場，聖誕節開通宵，LEGO展銷廳短短三日營業額就超過四十五萬，百老滙戲院不時全院滿座。故此除夕再接再厲，請嚟藝人汪明荃同二十幾位名星倒數，繼續熱鬧。