講開選舉，中央台經濟頻道一年一度嘅「中國經濟年度人物評選」噚日揭曉，今年中選嘅係用過千億收購美國優尼科的中海油集團總經理傅成玉（圖）；雖然收購最終失敗，但中海油個名就響晒。
對於喺入選名單中自己係唯一一位loser，傅成玉就回應，國際併購日日都有，少數成功，多數沒有成事，在國際上是非常正常嘅現象。佢話股東對集團嘅表現非常高興，資本市場人士亦認為，中海油係成熟企業，這一仗沒有給中國人丟臉，40天當中股東增值70億美元，在國際市場上嘅形象，更加係花幾多錢都買唔到。真係識講嘢。
平日嚴肅的傅成玉，原來亦有熱情的時候，當主持人問到佢平時好食冰是否跟冷靜有關。他打趣說：「今天晚上沒有冰，所以不冷靜」。