【本報訊】世貿部長級會議、前特首董建華辭職及南亞海嘯成為小朋友心目中○五年的大事，兒童輔導熱線「點蟲蟲熱線」最近收到數百個小朋友留言，訴說他們心目中○五年的大事及對○六年的展望。
「令東方之珠更閃」
有小朋友表示，最深刻的事件是世貿會議，「世貿會議令香港變咗好多，銅鑼灣生意又跌咗三至五成，韓國人又來反抗」。
亦有小朋友認為「董建華辭職，曾蔭權接棒」最難忘，「希望佢（曾蔭權）○六年做得好啲，唔會令香港人失望，同埋可以令香港變成更繁榮的城市，令呢個東方之珠更加閃，更加靚。」
「點蟲蟲熱線」社工林玉清表示，有部份小朋友則認為神舟六號升空、禽流感爆發、鰻魚及海產發現孔雀石綠等是○五年大事，有小朋友說：「我記得有孔雀石綠同埋豬鏈球菌」，不少小朋友表達○六年的願望，「好多地方𠵱家都有禽流感，希望○六年可以好開心咁過，以後都冇呢啲病。」
經歷疫潮注意衞生
林玉清說，小朋友的想法比以往有進步，「印象中，佢哋唔認識時事，好少講國家大事，但𠵱家卻講得好好」，而他們經歷沙士疫潮後，亦非常關注疾病傳播。