新鴻基地產郭氏基金○二年起，喺中山設立獎學金，每年資助三十名家境貧困嘅優異生完成四年大學課程，至今已有超過一百名學生受惠。基金由舊年開始，重喺二年級以上嘅學生，每級揀出兩名，每人送一部手提電腦，等學生可以藉此擴濶知識同視野。 除中山外，基金喺內地其他大學，如湖南大學同貴州大學，都有設立同類計劃。