日前陳慧琳（Kelly）與賭王何鴻燊四姨太為澳門麥當勞新店剪綵，主持燒炮仗儀式，Kelly邊掩耳邊叫熱鬧。大會又捐十五萬元給以Kelly命名的兒童助學基金，Kelly用善款購置禦寒物品，資助一批在港居住的南亞裔兒童。
陳慧琳日前乘坐直升機往澳門，與賭王何鴻燊四姨太梁安琪為澳門麥當勞主持剪綵儀式。Kelly今年接連成為不同品牌代言人，剪綵剪到手軟。被問到為何受到不同類型品牌垂青？Kelly說：「可能我腳頭好啩，啲品牌搵咗我做代言人生意好，所以咪陸續有嚟囉。」
燒炮仗添氣氛
當日大會為營造熱鬧氣氛，在店外燒炮仗慶祝，由於在香港燒炮仗是違法，Kelly已很久沒有聽過炮仗聲。燒炮仗時Kelly十分興奮，邊掩着耳朵邊說：「次次都係睇電視燒炮仗，今次現場聽都有啲嚇一跳，不過真係好熱鬧，好好氣氛。」
轉送禦寒物品
此外，大會捐贈十五萬元給陳慧琳兒童助學基金，Kelly對此說：「我呢個基金會係幫助有需要嘅人，今次我哋會將呢筆錢買大批禦寒物品，送畀一班喺香港住嘅貧窮南亞裔小朋友。由於佢哋係少數族裔，父母搵工都有困難，所以生活好貧苦，我哋就買咗禦寒物品，希望可以幫到佢哋。」
撰文：MichelleLeung
