新地今個聖誕勁谷商場，噚日先宣布旗下3個場4日假期嘅人流，分別係大埔超級城68萬，平均每日17萬；元朗廣場都唔弱，總共有50萬，平均每日12.5萬；反而位置最靚嘅尖沙嘴新太陽廣場得43萬，平均一日唔夠11萬。
講真都係錢作怪，大埔超級城重金禮聘巨星李克勤、楊千嬅同周杰倫，怪唔得咁墟冚，丁財兩旺，嗰度嘅舖頭4日做咗2000幾萬生意，差唔多等於元朗廣場半個月生意額；人流最少嘅新太陽廣場，4日就得幾百萬。宣傳費最豪嘅觀塘apm，首個聖誕勁使2500萬，單係平安夜周杰倫玩倒數，一日就有40萬人流，可望晉身最旺嘅新地場。
電郵地址：[email protected]