聖誕假後，港股今日復市。05年最後3個交易日，估計大隻股份有睇頭，揀啲大隻股嘅C輪埋手，發發新年財可也。
建行C輪2107：建行（939）10月27日掛牌，到𠵱家兩個月，股價由2.35元招股價升到2.65元，升幅13%。交銀（3328）較建行早掛牌4個月，由招股價2.50元升到3.55元，升幅42%。
交行有滙控（005）做策略股東，建行有美國銀行做策略股東，淡馬錫亦係策略股東。建行PE係交行PE嘅7折，明顯未升夠。此外，建行最近做咗幾隻指數嘅成份股，例如標普亞洲50、標普環球、環球1200金融、富時新華中國等指數，大隻指數基金，要照比例買貨。最近USIndices與Barclays環球等基金，分別買咗1.64億股與1.30億股建行。芬佬買建行，陸續有來。建行睇升，建行C輪明年6月前後到期嗰批，最炒得過係2107。買2107，好大機會過肥年。
平保C輪3827：平保（2318）上周創新高，餘勢未盡，平保C輪3827亦係過肥年對象之一。
3827明年6月中到期，輪價21.1仙，溢價2.1%，槓桿率6.7倍（有效5.6倍），引伸波幅23.6%。現價上車，喺短時間執兩成利錢，相信冇乜難度。
章盛