麥浚龍（Juno）養的老虎狗火爆體重逾五十磅，雖然很多人都覺得老虎狗的外形不討好，但Juno就是鍾情牠又笨又蠢。火爆很懶惰，每行五步便會像燒豬般趴在地上，又要主人為牠按摩，認真識歎。
麥浚龍除養老虎狗火爆外，亦養了一隻四歲的聖班納犬，但他接受訪問當日突然接到聖班納犬因心臟病發死亡的消息，甚感難過。談到與火爆的寵物情緣，Juno表示兩年前在寵物店本來看中另一隻老虎狗，不過該犬原來已被人訂購，Juno惟有買了火爆。但巧合地原來Juno鍾情的那隻老虎狗是其兄訂了。
Juno覺得老虎狗的樣貌看似十分兇惡，所以就為愛犬命名為火爆，不過火爆的性格與外貌剛好相反，實際上牠非常怕事，Juno說：「個個初時見到火爆都會驚咗佢，因為佢個樣好似好惡咁，事實上佢怕事到不得了，就算你拎個公仔對住佢，佢都會驚到走開。」
花名屎尿怪
Juno笑指火爆十分懶惰，行五步就趴在地上，而且最愛主人為牠按摩，Juno說：「佢每日只係食同瞓，五步內就會大字形、好似成隻燒豬咁瞓低，等人幫佢按摩，你一停手，佢就會用個頭撞你，叫你繼續按。」火爆更試過一天大便八次，所以Juno為牠改了花名屎尿怪，Juno笑說：「火爆最勁試過一日開咗八次大，每次嘅份量都唔少㗎，加上周圍屙尿都係佢嘅強項，好彩大大吓都教識佢屙喺報紙度。」
採訪：李珮洳 攝影：陳慧安
