新城前晚在頒獎禮上將鄭中基、方力申及Twins的緋聞擺上枱，方力申當場黑面，Twins事後表示不喜歡新城的安排，蔡卓妍說：「我唔鍾意咁嘅方式囉。」而鄭中基更缺席新城慶功。
新城舉辦的「新城勁爆頒獎禮2005」前晚舉行，鄭中基（Ronald）、方力申及Twins的緋聞被擺上枱，Ronald大方與Twins及方力申在台上握手祝賀，但方力申卻黑面拒與Twins握手，事後新城在紅磡設宴慶功，Ronald沒有出席，卻到銅鑼灣出席唱片公司慶功宴。
千嬅有備而來
方力申被問到為何未有在台上和Twins握手，他說：「我嗰陣去廁所小便，司儀突然宣布我上台，我小到一半未完，冇洗手就衝出去，所以先冇握手，落台即去埋嗰一半。」
對於緋聞被擺上枱，蔡卓妍（阿Sa）表示：「我唔鍾意咁嘅方式囉，都唔係覺得被擺上枱，大家歌手出席活動實有機會碰頭，我唔介意碰面，但唔好太刻意囉，我唔係怪佢哋。」提到Ronald大方握手，鍾欣桐（阿嬌）即搶答：「佢好多手汗，佢話唔好意思喎。」談到方力申原來冇洗手，阿Sa聞言哈哈大笑，阿嬌說：「應該洗吓手嘅，呢啲衞生嚟嘛。」而楊千嬅對於Ronald與阿Sa在台上大方握手，她說：「咪好囉，我預咗會俾人拉埋上台，豁出去㗎。」
基仔帶病上陣
Ronald缺席慶功，其金牌經理人公司陳小姐否認他因生氣才缺席，不過Ronald事後卻與楊千嬅、側田、方力申及傅穎等到銅鑼灣唱Ｋ慶功，他與方力申及黃柏高離去時均醉醺醺，方力申更與傅穎同車離去。
前晚新城頒獎禮超時至十二時才結束，在現場觀眾投票部份，勁爆我最欣賞男女歌手分別是容祖兒及李克勤、組合則由Twins奪得，勁爆歌手獎是陳奕迅主唱的《浮誇》，而祖兒最終得八個獎成大贏家，陳奕迅和李克勤各獲六獎領先其他男歌手，陳奕迅表示其父看他得獎時感到自豪，說到獎項數目比基仔多，陳奕迅謂：「數字遊戲啫，我重質不重量。」
而古巨基前晚在台上聲音沙啞，他表示喉嚨痛帶病上陣，問他失去現場投票獎會否感到失望時，基仔說：「唔會，隨遇而安啦。」
採訪：王連連、馬建華、駱華齡
攝影：仇志德、陳慧安
