如果說我跟車厘茄有緣，那麼我跟菠菜是最沒緣份吧！因為無論我怎樣悉心栽種，它都長得不好！事實上過程很繁複，例如它的種子較大，當面層泥土被沖走時，便很容易外露，看見一半種子凸出，便要把它塞回入泥半吋至一吋；疏苗亦辛苦過其他，因為不可以移種，只能把不適合的拔走，單是這兩步驟，已教我踎到腳仔軟兼變矇豬眼。而且它要多肥，但又唔可以過量，要屬鹼性泥土，不時又要燒吓石灰粉給它，你話係咪好麻煩。「咁你師傅又種得咁靚，點解佢唔教你？」其實，我都遵照她老人家的指示，唯獨沒有她的秘密武器──雞屎。唔通關鍵真係喺啲雞屎度！「你唔知雞屎含有氮磷鉀，係動物天然肥料中數一數二的『大補劑』？」咁，使唔使養番竇雞呢？（六十二）
阿花